Tash e disa vite me radhe, qytetarët e Kosovës përmes një ligji të miratuar nga qeveria gjermane më herët, kanë pasur mundësi që të pajisen me viza puna.
Pothuajse, çdo vit, ka ndryshuar forma e aplikimit për të siguruar një vizë pune. Sigurisht, numri është i kufizuar dhe bëhet fjalë për rreth 10 mijë viza puna që lëshon ambasada gjermane në Prishtinë.
Afrim Kololli nga DACH Kosova ka treguar për IndeksOnline, se si po ecën përzgjedhja e aplikantëve dhe cilat data po trajtohen.
Ai ka bërë me dije se, sipas informacioneve që posedon, në ambasadën gjermane në Prishtinë, janë duke u trajtuar aplikimet e muajit tetor të vitit të kaluar.
- Advertisement -
