Ambasadorja e Kosovës në Shtetet e Bashkuara të Amerikës, Vlora Çitaku, ka shkruar pas dëshmisë që të Vasfije Krasniqi-Goodman para Kongresit Amerikan, si viktimë e dhunës seksuale nga forcat serbe gjatë luftës.
Në një postim në Facebook, Çitaku ka shkruar se asnjëherë nuk ka parë emocione gjatë seancave të kongresit sikurse sot.
Ajo e ka quajtur Vasfijen heroinë, e cila është njëra ndër viktimat e para të dhunës seksuale të luftës që doli publikisht për të rrëfyer ngjarjen e tmerrshme që i ndodhi në luftë.
“Kur foli Vasfija, në sallën e Kongresit Amerikan zotëroi heshtja. Dhe lotët. Kam përcjellur shumë seanca në Kongresin Amerikan. Anjëherë nuk kam parë aq shumë emocione dhe aq shumë solidarizim nga ana e përfaqësuesve amerikan. Faleminderit Vasfije Krasniqi Goodman, heroina jonë”, ka shkruar Çitaku. /Express/
- Advertisement -
