Cisse shpërthen ndaj akuzave për ndeshjen ndaj Manchester Cityt: Nuk do t’ju lejoj ju njerëz të flisni kështu!
Ish-sulmuesi i Queens Park Rangers, Djibril Cisse, ka reaguar ashpër ndaj akuzave se skuadra e tij mund t’ia ketë “falur” ndeshjen Manchester Cityt në fundin dramatik të sezonit 2011/12.
Në atë ndeshje, City përmbysi QPR-në 3:2 në minutat shtesë, me golat e Edin Dzekos dhe Sergio Agueros, duke siguruar titullin e parë të Premier League pas 44 vitesh. Cisse shënoi golin e parë të QPR-së në atë takim, shkruan Indeksonline
Ish-futbollisti francez ka kundërshtuar me forcë çdo dyshim për manipulim të ndeshjes, duke deklaruar:
I’m not gonna let you people talk shit like that
Let’s have a proper meeting and talk about it
Cause there is now way I gonna accept your bullshit anymore
So let’s do it https://t.co/7NfWcNpHIN— Djibril Cisse (@DjibrilCisse) September 28, 2026
“Nuk do t’ju lejoj ju njerëz të flisni kështu. Le të bëjmë një takim siç duhet dhe të flasim për këtë, sepse nuk ka asnjë mënyrë që unë ta pranoj më këtë marrëzi. Pra, le ta bëjmë.”
Lexo edheNipi i Luanit lë pak anash stërvitjet, shkon në një festival në Stuttgart: E meritoj një mbrëmje të tillë!
Në debatin me tifozët, Cisse iu përgjigj gjithashtu pretendimit se QPR kishte ndihmuar Cityn të fitonte titullin:
“A është faji ynë nëse Unitedi priti deri në ditën e fundit për t’u bërë kampion? Mos e hapni gojën aq shumë për të thënë asgjë, mik. Ata thjesht duhej të fitonin ndeshjet e tyre.”
Polemika rikthehet në një kohë kur Manchester City vazhdon të jetë në qendër të vëmendjes për çështjen e 115 akuzave të Premier League për shkelje të pretenduara të rregullave financiare. Megjithatë, kjo çështje është e ndarë nga pretendimet për ndeshjen ndaj QPR-së në vitin 2012 dhe nuk përbën provë se ajo ndeshje ishte e manipuluar./Indeksonline/
Will you look at that 🙄 pic.twitter.com/OT5GIEOjLM
— LORD OF THE SOUTH🇳🇬🇬🇧 (@jaynzegwu) September 28, 2026
