Ish-luftëtari i Ushtrisë Çlirimtare të Kosovës nga zona e Dukagjinit, Adnan Krasniqi, i njohur si Cipi ka rrëfyer luftën e UÇK’së pjesë e të cilës ishte për 11 muaj.
Në Pressing në televizionin 7 ai ka rrëfyer se ka qenë pjesë e UÇK’së për pothuajse 1 vit derisa tre herë i ishte refuzuar mundësia për të kapur armën.
Pjesë e luftës thotë se është bërë në vitin 1998 kur ishte vetëm 15 vjeç.
‘Frontin e parë e kam pas më 8 ose 9 shtator (1998) në fshatin Gergoc’, shpjegoi ai.
Thotë se nuk ishte i vetmi që kishte kaq vjet.
Frymëzim ndër tjera përmend heroizmin e komandantit Legjendar Adem Jashari.
- Advertisement -
