Dani Dyer dhe Jarrod Bowen i kanë thënë “Po” njëri-tjetrit në një ceremoni martese madhështore.
Konkurrentja e “Survival Of The Fittest”, 28 vjeçare, dhe ylli i futbollit, 28 vjeç, u fejuan në korrik të vitit 2024 kur Jarrod i bëri propozimin gjatë një pushimi romantik në Ibiza.
Çifti e konfirmoi lidhjen e tyre tre vjet më parë, përpara se të mirëprisnin vajzat binjake në vitin 2023.
Dani ndau pamjet e ceremonisë në rrjete sociale, ku shihet duke ecur dorë për dore drejt altarit me yllin e futbollit.
Ylli i “Love Island” ka mahnitur në fustanin e nusërisë që kushtoi mbi 10 mijë euro, gjersa ylli i West Ham zgjodhi një kostum të zi.
“Mirror” raportoi se çifti zgjodhi hotelin Langley në Buckinghamshire, ku një natë kushton afro 600 euro.
Hoteli luksoz krenohet me kopshte dhe parqe formale të projektuara fillimisht nga Lancelot ‘Capability’ Brown, një Spa dhe palestër, pishina të brendshme dhe të jashtme, mundësi të shkëlqyera për ngrënie dhe bare koktejesh si dhe suita luksoze. /Telegrafi/
View this post on Instagram
