Më tepër sesa një periudhë e “zezë” tashmë mund të konsiderohet një “mallkim” fati i keq që vazhdon të ndjekë vokalistin e grupit U2, Bono Vox. Në një mesazh për fansat të publikuar në faqen zyrtare të internetit të U2, këngëtari irlandez ka bërë të ditur se rrezikon të mos luajë dot më kitarën e tij të dashur. Kjo, për shkak të pasojave të lëna nga lëndimet e marra në incidentin me biçikletë nëntorin e kaluar në Nju Jork. “Rekuperimi ka qenë në fakt më i vështirë nga sa mendohej”, thotë ylli i muzikës në mesazh, duke iu referuar thyerjes së krahut në 6 pika, për të cilën iu nënshtrua edhe një operacioni. Nga rënia nga biçikleta në Central Park këngëtari nuk mban mend thuajse asgjë dhe bën shaka me dëmtimet duke u shprehur se ato ishin shumë “punk rock”.
Rreth Nesh
Drenica Press është burimi më i rëndësishëm dhe më i besueshëm i lajmeve lokale dhe rajonale në Kosovë. Ne jemi të përkushtuar të ofrojmë informacion të freskët, të saktë dhe të verifikuar për qytetet Skenderaj, Drenas, Vushtrri, Mitrovicë dhe më gjerë në rajonin e Drenicës
© Drenica Press. Të gjitha të drejtat e rezervuara.