Policia e Kosovës ka rrethuar zyrën e Administratës Pensionale të Kosovës, te ndërtesa e ish-Rilindjes në Prishtinë, pas dyshimeve për një mjet shpërthyes.
Rasti është konfirmuar për Indeksonline nga zyrtarja për informim në Policinë Rajonale në Prishtinë, Flora Ahmeti.
Sipas saj, alarmin për mjet të dyshuar shpërthyes e kanë marrë orës 11:00 nga punëtorët e kësaj zyre.
Ajo ka thënë se policia ka dal në vendin e ngjarjes dhe po verifikojnë mjetin e dyshuar.
Burimet e Indeksonline të afërta me rastin kanë treguar se mjeti i dyshuar është gjetur në një tualet por ai tani është larguar nga zyrtarët policor.
Tani në vendin e ngjarjes ka arritur edhe njësiti i qenve K-9 që do të bëjë një kontroll të ndërtesës.
Rastin në polici e kishte lajmëruar një punonjës i administratës, i cili tani është dërguar në Stacion të Policisë për të dhënë intervistë./Indeksonline/
