Këngëtari i njohur, Blero, ka publikuar sot albumin e tij më të ri, që mban titullin simbolik “The End”.
Ky projekt shënon jo vetëm rikthimin e tij me një material të plotë muzikor, por edhe një ndalesë të rëndësishme, pasi vetë artisti e ka cilësuar këtë si albumin e fundit të karrierës së tij.
Albumi përmban gjithsej 12 këngë, të cilat tashmë janë lansuar në Spotify dhe platformat e tjera muzikore.
Përmes këtij projekti, Blero vjen me një përzierje emocionesh, tingujsh dhe rrëfimesh personale, duke i dhënë fansave një përshëndetje të denjë pas shumë viteve të suksesshme në skenën muzikore shqiptare.
“The End” vjen si një reflektim artistik mbi rrugëtimin e tij, duke i qëndruar besnik stilit të tij të njohur, por edhe duke eksperimentuar me tinguj më modernë.
Publikimi i albumit ka ngjallur reagime të shumta nga fansat, të cilët e kanë pritur me interes të madh dhe emocione të përziera, duke shprehur mirënjohje për kontributin e Bleros në muzikën shqiptare ndër vite. /Telegrafi/
View this post on Instagram
