Kryesisht me vransira dhe reshje lokale shiu parashihet moti për ditën e shtunë. Të reshurat pritet të intensifikohen më vonë duke shkuar nga mbrëmja që përfshinë pjesën më të madhe të vedndit. Temperaturat në mëngjes zbresin në 7C e 8C, derisa maksimale pa ndonjë dallim të madh luhaten ndërmjet 9C e 13C. Duke shkuar nga mbrëmja temperaturat zbresin në 3C e 4C. Era ndryshon drejtimin dhe frynë e lehtë dhe mesatare nga verilindja 3-7m/s.
Natën me kalimin në ditën e diel reshjet pushojnë përkohësisht, meqenëse përfshinë vendin sërish orëve të para të ditës, kur reshjet e shiut shndërrohen në reshje dëbore viseve kodrinoro malore, me rënie të temperaturave deri në 1C e 2C. Pasdite reshjet pushojnë. Maksimalet shkojnë deri në 4C e 6C.
Të hënën fillimisht do të ketë intervale me diell, mirëpo mëngjesi parashihet më i ftohtë me minimale prej 0C e -1C. Gjatë ditës vransirat shtohen, e të martën aty këtu mund të ketë reshje lokale shiu, derisa nga dita e mërkurë reshjet e shiut mund të përhapen më shumë në vend. Temperaturat shënojnë rritje deri në 10C e 11C. Frynë erë e lehtë dhe mesatare nga jugu e juglindja e lehtë dhe mesatare 5-13m/s.
