Derisa ishte duke punuar, një 23 vjeçar ka rënë nga një ndërtesë në rrugën “Robert Dolli” në Prishtinë, përcjell Indeksonline.
Rasti është konfirmuar edhe nga Policia e Kosovës.
Sipas zëdhënëses Flora Ahmeti, viktima me inicialet M.M është dërguar për trajtim në QKUK derisa me rastin janë duke u marrë njësitet policore.
“Sot rreth orës 16:00 kemi pranuar informacionin se një person ka rënë nga një ndërtesë në rrugën “Robert Doll” në Prishtinë, derisa ishte duke punuar. Personi i lënduar, M.M, mashkull 23 vjeçar është dërguar për tretman mjekësor në QKUK. Me rastin po merren njësitet policore nga Stacioni Qendra”, ka thënë ajo. /Indeksonline/
