Sot Presidenti i SHBA’ve i bëri thirrje shtetasve amerikanë që të largonhen menjëherë nga Ukraina sepse Amerika nuk do të dërgojë trupa ushtarake për t’i shpëtuar.
Kriza e Ukrainës nuk duket se do të përfundojë shpejt. Rusia ka grumbulluar mbi 100.000 trupa rreth kufirit ukrainas dhe Biden është shqetësuar për sigurinë e amerikanëve në këtë shtet. Sot ai bëri thirrje që të gjithë amerikanët të largohen me urgjencë.
Biden paralajmëroi se Amerika nuk do të dërgojë ushtri në Ukrainë, përndryshe nëse ndizet konflikti mes rusëve e amerikanëve, atëherë fillon Lufta e Tretë Botërore, raporton NBC News.
Zyrtarë nga kabineti i Biden informuan më herët se Rusia mund të pushtojë Ukrainën qysh në javën e ardhshme, por Amerika nuk do të ndërhyjë me ushtri.
