Janë dy personalitete që mund ta pasojnë Vlora Çitakun në pozitën e Ambasadorit të Kosovës në SHBA.
Klan Kosova mëson se beteja është duke u zhvilluar në mes të Skënder Hysenit të LDK-së dhe publicistit, Veton Surroi.
Hyseni është pjesë e LDK-së, ndërsa ka ushtruar funksionin e ministrit të Jashtëm dhe më pas edhe të Brendshëm në Qeverinë e Kosovës.
Ndërsa Surroi është i njohur për pjesëmarrjen e tij në procesin e Rambujesë dhe të Vjenës, kurse me politikë aktivisht nuk është marrë prej kur partia e tij “ORA” më 2007 nuk kishte arritur ta kalonte pragun zgjedhor për t’u bërë pjesë e Kuvendit të Kosovës.
Surroi është përmendur gjatë negociatave në mes të Lëvizjes Vetëvendosje dhe LDK-së për bashkëqeverisje se mund ta marrë pozitën e ministrit të Jashtëm.
