Kandidati për kryetar të Komunës së Fushë-Kosovës nga radhët e Lidhjes Demokratike të Kosovës, Besnik Osmani, ka zhvilluar një takim me profesionistë të fushës së shëndetësisë, ku është prezantuar programi i tij për përmirësimin dhe avancimin e sistemit shëndetësor në këtë komunë.
“Jam i lumtur që në ekipin tonë kemi 3 kandidate të përkushtuara, të cilat do të japin kontributin e tyre për avancimin e sistemit shëndetësor në komunën tonë”, shkroi Osmani në postimin e tij në rrjetet sociale.
Ai gjithashtu theksoi prioritetet kryesore në fushën e shëndetësisë për mandatin e ardhshëm:
Qendra Stomatologjike
Qendra e veçantë e Urgjencës
Qendra të reja shëndetësore në qytet
Analizat laboratorike të qasshme nga çdo vendbanim
“Me përvojën dhe vizionin e tyre, jemi të bindur se shëndetësia në komunën tonë do të marrë një hap të madh përpara për mirëqenien e qytetarëve tanë!”, përfundoi ai./IndeksOnline/
