Besarta Meha – Ademi, ka takuar rrjetin e grave në Skenderaj, me ftesen e organizates “Okarina”, ku u diskutua fuqizimi i grave në biznes. Me këtë rast Drejtoresha e Zhvillimit Ekonomik, Inovacionit dhe Turizmit, Besarta Meha – Ademi tha se: Në qeverisjen e kryetarit, Fadil Nura do t’ju ofrojmë përkrahje grave të Skenderajt, që të bëjnë biznes. Si drejtori e Zhvilimit Ekonomik grave do t’ju ofrojmë grande, subvencione dhe forma të tjera të përkrahjes që gratë të përfshihen sa më shumë në biznes, shkruan Drenica Press.
“Me ftesën e shoqatës Okarina dhe mbështetjen e Rrjetit të Grave të Kosovës, Drejtoresha e Drejtorisë për Zhvillim Ekonomik, Ndërmarrësi, Inovacion dhe Turizëm, Besarta Meha-Ademi, ka takuar sot një grup grash të Skenderajt. Në takim u diskutu për hapësirën dhe mbështetjen që do të kenë gratë në qeverisjen lokale të Kryetarit Fadil Nura. Fuqizimi ekonomik i gruas do të ndikojë edhe në zhvillimin ekonomik të shoqërisë. Drejtoresha i ftoi gratë që të jenë sa më aktive në ndërmarrësi e inovacion duke ofruar mbështetjen e plotë komunale.
