I ftuar në Ora News, në emisionin “Të paekspozuarit”, ish kryeministri Sali Berisha nuk mund të anashkalonte edhe ngjarjet e aktualitetit në Kosovë.
Ai ka komentuar edhe taksën e qeverisë Haradinaj ndaj mallrave serbe në Kosovë, duke u shprehur se kjo është një taksë kundër presidentit Hashim Thaçi, i akuzuar jo pak herë për tradhti ndaj Kosovës dhe çështjes kombëtare.
“Taksa nuk është kundër serbëve, taksa është anti-Hashim. Kushdo që do të zgjidhë çështjen e taksës, e zgjidh menjëherë në qoftë se e koncepton dhe e kupton që është taksë anti-Hashim. Kush do me zgjidh taksën ta kuptojë si anti-Hashim. Ramush Haradinaj thotë se unë nuk shkëmbej territor, kurse ky është për shkëmbim territoresh me marrëveshje të fshehtë, duke shkelur Kushtetutën e Kosovës. Duke thyer tre nene. Nuk kam asnjë dijeni që amerikanët janë për shkëmbim territori”, deklaroi Berisha.
