Shkruan Vehbi Berisha
Të nderuar qytetarë të Drenasit, pak me herët u njoftova nga rrjeti social facebook dhe mediet elektronike se paska dhanë dorëheqje Kryetari i Klubit Futbollistik “FERONIKELI” Z. Ekrem Elshani dhe sipas tij deri të akti i dorëheqjes ka ardhur pasi që një gjë të tillë ia kërkuar publikisht vet Kryetari i Komunës së Drenasit z. Ramiz Lladrovci në ceremoninë e shpalljes se sportistit te vitit nga Komuna e Drenasit.
Të nderuar qytetarë të Drenasit, duke e ditë se Klubi ynë i zemrës KF Feronikeli tanë këto vite shënoj suksese të larta në futboll duke fituar të gjitha trofetë në futbollin e Kosovës në vitet e fundit si dhe duke e ditur mirë-organizimin e këtij klubi, ku në vitin e kaluar se bashku me disa kolegë Asambleist nga Kuvendi Komunal i Drenasit e pata rastin të shihja edhe nga afër të gjithë organizimin dhe përkushtimin e KF Feronikelit, e sidomos të Kryetarit të deritanishëm z. Ekrem Elshani ku u patëm nda të kënaqur me sukseset dhe arritjet e KF Ferronikelit.
Prandaj duke u bazuar në gjitha këto që i ceka me lartë përfundimisht konsideroj se kjo dorëheqje e “dhunshme” është kryekëput tendencioze, e qëllimshme dhe plotësisht i pajustifikueshme.
Mendoj se sot me shumëse kurrë jo vetëm si individ por edhe si shoqëri duhet të jemi zë i atyre që iu behet padrejtësi sidomos ndaj atyre të cilët suksesin e tyre e kanë të dëshmuar dhe pa dallim se cilës parti ose grupimi politikë ai/ajo i takon.
Vehbi Berisha – Asambleist në KK Drenas nga NPK
