Mbledhja e Kuvendit Komunal në Drenas u shoqëruar me debate dhe diskutime të ndryshme për 11 pikat e rendit të ditës.
Njëra ndër pikat e cila zgjoi debat ishte ajo për Arsimin në Drenas. Edhe pse në këtë mbledhje mungoi drejtori i Arsimit, asamblistët i shprehen qëndrimet e tyre.
Asamblisti i pavarur, Vehbi Berisha, kërkoi që komuna e Drenasit për vitin 2016 të shqyrton mundësin për ndërtimin edhe të një shkolle të re në qytet.
Sipas një njoftimi të cilën e bëri prishtinaonline, asamblisti Berisha theksoi:
“Komuna e Drenasit për vitin e ardhshëm duhet të gjej fonde për ndërtimin e një shkolle të re fillore për Lagjen e Feronikelit, lagjen e Xhamisë dhe një pjesë lagjes urbane në Poklek, për arsye se e dimë fare mirë se shkollat në qytetin e Drenasit i kemi të mbingarkuara dhe aq me tepër kur e dimë se përditë kemi migrim nga fshati në qytet”.
Asambleisti Berisha po ashtu vazhdoi edhe me kritika për Drejtorinë e Arsimit për menaxhimin e dobët të arsimit në Drenas, ku theksoi “Me 1 shtator në 4 shkolla të Drenasit nuk filloi mësimi për arsye se kanë qenë duke i rinovuar, por Drejtoria e Arsimit ka dështuar ta menaxhoj ketë situatë sepse nxënësit kanë mund ta zhvillojnë mësimin me tri ndërrime në shkollat tjera të cilat nuk kanë qenë duke u rinovuar, po ashtu një problem tjetër është menaxhimi i dobët institucional i shkollave ku vazhdimisht Komuna e Drenasit ndan mjete për renovimin e nyejve sanitare dhe prapë pas një viti i kemi në gjendje të tmerrshme” përfundoi fjalimin e tij Asamblisti, Vehbi Berisha.
