Kryetari i komunës së Skenderajt, Bekim Jashari, së bashku me nënkryetarin, Nuredin Lushtaku, priti sot në një takim Ambasadoren e Turqisë në Kosovë, Kivilcim Kiliç, së bashku në këtë vizitë ishin edhe Agjencia Turke për bashkëpunim dhe koordinim “TIKA”, me kordinatorin, Hasan Burak Ceran.
Gjatë këtij takimi u diskutua për mundësit e investimeve të ndryshme në komunën e Skenderajt, kryesisht në fushën e bujqësisë dhe në atë të shëndetësisë.
Kryetari Jashari, njoftoi ambasadoren Kiliç për gjendjen aktuale në komunën tonë, për sfidat me të cilat po përballet kjo Komunë, si dhe për mundësit e investimeve që ofron komuna jonë, kryetari Jashari, u shpreh i gatshëm për bashkëpunim.
Ambasadorja turke ka falënderuar kryetarin JASHARI, për pritjen dhe theksoi që do të përkrahë projekte të ndryshme nga komuna e Skenderajt si dhe do të njoftoj bizneset Turke përmes konsullit, për këshilla biznesore që të vijnë në Skënderaj dhe të investojnë në fushat e ndryshme.
Koordinatori i TIKA – së, Hasan Burak Ceran , falënderoi kryetarin Jashari për pritje, ku theksoi se “TIKA”, edhe me parë ka investuar ne Komunën e Skenderajt, kryesisht në shkolla dhe në shëndetësi, si dhe theksoi gatishmërinë për thellimin e bashkëpunimit.
