Djali i Hamëz Jasharit, Bekimi ka thyer heshtjen sa i përket kandidimit të mundshëm të tij për kryetar të Skënderajit si kandidat i pavarur.
Në një prononcim për Indeksonline, Bekim Jashari ka thënë se ende nuk ka vendosur nëse do të garoi për të parin e Skënderajit, anipse sipas tij ka përkrahje të madhe nga partitë politike në këtë qytet.
“Ende nuk kam vendosur nëse do të garoi. Kërkesat kanë qenë dhe janë të shumta si nga qytetarët, ashtu edhe nga partitë politike të cilët më kanë ofruar mbështetje si kandidat i pavarur. Te shohim se si do të zhvillohen ngjarjet në ditët në vijim për të marrë një vendim përfundimtar” ka thënë Jashari.
