Shefi i Kabinetit të Ministrit të Arsimit, Shkencës dhe Teknologjisë , Baton Dushi, sot ka aderuar në Partin Socialdemokrate të Shpend Ahmetit, raporton Front Online.
Dushi vetëm pak ditë pasi që është emëruar shef i kabinetit të ministrit Shyqiri Bytyqi, përmes një statusi në llogarinë e tij në Facebook e ka ofenduar gazetaren e Koha Ditore duke e quajtur atë përbindëshe dhe llum mediatik.
“Më vie keq që jam bërë pre mediatike e një përbindëshi të tillë! Më vie keq që kemi një gazetare të tillë jo profesionale. Ajo, në vend që të jetë vërtetë investigative, mjerisht vie dhe bëhet hiq më pak se sa llum mediatik” pat shkruajtur Dushi.
Për ofendimin e tij ndaj gazetares, AGK ka kërkuar nga Ministri i Arsimit dhe MASHT të distancohet nga gjuha fyese e Dushit, por një gjë e tillë nuk kishte ndodhur.
Ndryshe mediat patën shkruajtur edhe për vajzën e Dushit e cila vitin e kaluar patë marrë bursë 100% .
Kryetari i PSD-së Shpend Ahmeti sot në një konferencë për media prezantoj aderimet më të reja në partin e tij, Ministrin Shyqiri Bytyqi i cili ditë më parë u largua nga Nisma Socialdemokrate dhe Baton Dushin i cili është asamblist në komunën e Prishtinës.
