Njësi Policore, në kuadër të Stacionit Policor në Skenderaj në orët e hershme të mëngjesit të sotëm kanë realizuar një bastisje të një shtëpie dhe objekteve përcjellëse në fshatin Polac të Skenderajt.
Bastisja është realizuar në bazë të urdhëresës së lëshuar nga Gjykata Themelore në Mitrovicë dega në Skenderaj, me ç’ rast si rezultat i bastisjes është gjete dhe sekuestruar një armë tytë gjatë dhe mbi 100 fishek.
Lidhur me rastin janë arrestuar dy persona, të cilët dyshohen se e posedonin armen në mënyrë të kundërligjshme.
Pas procedurave intervistuese dy të dyshuarit janë liruar për procedurë të rregull, ndaj tyre është iniciuar rast për vepër penale ’mbajtje në pronësi, kontroll ose posedim i paautorizuar i armë’.
