Sapo ndodhi pranim-dorëzimi i postit të presidentes së Kosovës.
I pari i Kuvendit të Kosovës, Glauk Konjufca, sapo ia dorëzoi Vjosa Osmanit detyrën dhe dosjen presidenciale.
Në ceremoni, Vjosa edhe njëherë u zotua për bashëkpunim me gjitha institucionet kosovare.
Kujtojmë që Vjosa Osmani sot mori 71 vota nga 82 deputetë sa votuan në procesin zgjedhor presidencial.
Kreu i Kuvendit ka thënë këto fjalë gjatë aktit të dorëzimit:
“Kam nderin dhe përgjegjësinë që të ja dorëzoj detyrën Vjosa Osmani Sadriut. Ajo ka pasur përfaqësim të dinjitetshëm në të gjitha pozitat që ka pasur si deputete dhe ato tjerat”, tha ai.
“E dyta është një person që në angazhimin e vet politik ka qenë një mbrojtëse e vlerave dhe parimeve dhe një avokate e pakompromis e kombit shqiptar. Duke qenë se pozita e presidentit është pozita më e lartë shtetërore, e cila duhet ta përfaqësoj në tërësi popullin. Nuk kam dyshim se ëktë përgjegjësi do ta kryejë me nderin për popullin të cilin ajo përfaqëson ajo. Presidente urime detyra e re, unë si kryetar i Parlamentit pres bashkëpunim të mirë”, shtoi ai.
