Shtrihet 12 km në verilindje të Mitrovicës. Edhe pse kjo pjesë e Kosovës, banohet me shumicë serbe, fshati Çabër i Komunës së Zubin Potokut, banohet tërësisht me shqiptarë.
Por, edhe pse kanë kaluar 21 vite nga lufta, dora e shtetit në këtë fshat për nga investimet, shumë pak vërehet.
Këtë të paktën e thonë banorët e këtij fshati, ku sipas tyre, janë fshati me më së paku investime në komunën e Zubin Potokut.
Ndërsa, se si është jeta në këtë fshat në veri të Kosovës, tregon një banor i tij.
Hasani thotë se në kohë lufte Serbia përdorte çdo lloj mjeti për t’i larguar banorët e kësaj pjese, por që tash kanë arsye të tjera se pse po largohen e që lidhen me mungesën e investimeve.
E nëse dikush dëshiron që të investojë, siguria është problemi kryesor që i shtynë të hezitojnë banorët e kësaj ane.
Deri në kohë luftë, kjo shkollë, sipas banorëve numëronte rreth 200 nxënës ani pse kishte më pak klasë, ndërsa tani edhe pse është rritur numri i klasave, kjo shkollë numëron rreth 120 nxënës.
Ndërsa, edhe sipas një banorit tjetër të këtij fshati, halli i tyre janë investimet e pakta që po ndodhin në këtë fshat.
Rrahmani pohon se për shkak të pozitës që gjinden afër me banor serb, provokime nga ta nuk kanë, por që shqetësimin kryesor e kanë nga qarkullimi i madh i tyre me vetura, pasi që mund të rrezikohen fëmijët që luajnë në rrugë.
Nëpër këtë fshat kalon edhe lumi Ibër, i cili është si një vijë ndarëse me fshatin fqinj të Zubqit të banuar me banor të nacionalitetit serb.
