Kryetari i Komunës së Suharekës Bali Muharremaj, ka falënderuar të gjithë votuesit pa dallim partie për besimin e dhënë për një Suherekë që i takon të gjithëve.
Muharremaj ka thënë se do që të mbetet kryetar i të gjithëve dhe se nuk do ndarje, fyerje e ofendime.
Muharremaj thotë se është koha që të ecin bashkë përpara, me dinjitet e besim.
“Demokracia jonë është e respektuar, sepse ju jeni pjesë e saj, të cilën e ndërtuat me kulturën tuaj gjatë fushatës zgjedhore. Unë jam dhe dua të mbetem kryetar i të gjithëve. Nuk dua ndarje, fyerje apo ofendime. Punoj dhe angazhohem për bashkim, punë dhe dashni për qytetin tonë. Tani është koha që të ecim përpara bashkë, me dinjitet e me besim, për ta bërë Suharekën shtëpinë më të mirë për çdo familje. Le ta vazhdojmë këtë rrugë me të hapur dhe me bindjen se bashkë ndërtojmë më shumë se sa sa të ndarë”, ka thënë Muharremaj.
Postimi i plotë:
Po ju flas hapur.
Dua t’i falenderoj me zemër të gjithë votuesit pa dallim partie, bindjeje apo përkatësie.
Secili prej jush e ka dhënë besimin e vet, për një Suharekë që i takon të gjithëve, dhe ky është akt që meriton respekt të veçantë.
Demokracia jonë është e respektuar, sepse ju jeni pjesë e saj, të cilën e ndërtuat me kulturën tuaj gjatë fushatës zgjedhore.
Unë jam dhe dua të mbetem kryetar i të gjithëve.
Nuk dua ndarje, fyerje apo ofendime.
Punoj dhe angazhohem për bashkim, punë dhe dashni për qytetin tonë.
Tani është koha që të ecim përpara bashkë, me dinjitet e me besim, për ta bërë Suharekën shtëpinë më të mirë për çdo familje.
Le ta vazhdojmë këtë rrugë me të hapur dhe me bindjen se bashkë ndërtojmë më shumë se sa sa të ndarë.
Suhareka ka nevojë për të gjithë ne.
Prandaj duhet të jemi bashkë.
