Deputetja e Lidhjes Demokratike të Kosovës (LDK), Hykmete Bajrami, ka reaguar ashpër ndaj politikave të Qeverisë Kurti në sektorin e energjisë, duke akuzuar ekzekutivin për mashtrim publik, korrupsion dhe favorizim të interesave të ngushta.
Në një postim në rrjete sociale, Bajrami përmes një videoje ka kujtuar premtimet e mëhershme të kryeministrit Albin Kurti, i cili pati deklaruar se energjia do të “lirohej”, duke qenë se, sipas tij, “rrimë mbi gjithë këtë energji që kemi”, transmeton lajmi.net
Por, sipas Bajramit, realiteti është krejt ndryshe: çmimi i energjisë është rritur dyfish për të gjithë qytetarët.
“Prej premtimit për lirimin e energjisë, sot kemi një rritje të çmimit për të gjithë qytetarët. Nga refuzimi për të bërë politika për 1% të kompanive që u përjashtuan nga shërbimi universal, sot kemi një qeveri që punon vetëm për vëllain e Luan Dalipit, për NOA-n dhe për kompaninë e Vuk Hamoviçit,” ka shkruar deputetja.
Ajo e përshkruan situatën aktuale si “një republikë të stërkequr nga korrupsioni dhe interesat e ngushta”, duke shtuar se qeverisja e Albin Kurtit po dëmton interesat publike në favor të grupeve të caktuara të interesit.
Postimi i plotë:
