Hykmete Bajrami nga LDK ka reaguar pas vendimit të Qeverisë në detyrë për ndarjen e mjeteve financiare për RTK-në, duke e akuzuar ekzekutivin se ka shkaktuar qëllimisht krizë dhe vonesa të panevojshme.
Bajrami tha se punëtorët e RTK-së janë lënë për një muaj pa paga, duke u përballur me protesta dhe greva, ndërsa, sipas saj, Qeveria ka gjetur zgjidhje vetëm pas 28 ditësh vonesë, raporton lajmi.net
Ajo e quajti kryeministrin në detyrë, Albin Kurti, dhe ekipin e tij “prodhues të krizave”, duke theksuar se ata i mbajnë qytetarët të varur nga vendimet e tyre për t’u paraqitur më pas si “shpëtimtarë”.
Bajrami gjithashtu u bëri thirrje institucioneve që të ndalojnë bllokadat dhe të ulen me Komunën e Prishtinës për të gjetur zgjidhje për çështjet aktuale.
“Qytetarët paguajnë taksa për të marrë shërbime, jo për t’u maltretuar nga inskenimet dhe mashtrimet tuaja”, shkroi ajo, duke paralajmëruar se 28 dhjetori do të jetë dita kur qytetarët do t’i japin përgjigjen Qeverisë.
Postimi i plotë i Bajramit:
