Avokati Arianit Koci ka theksuar se si dukagjinas i lindur në Prishtinës, asnjëherë se ka menduar se bashkëvendësit e tij mund t’i ndanë apo diskriminon sipas përkatësisë regjionale.
Madje sipas Kocit, Kosova është aq e vogël sa që të gjithë jemi të njëjtë, transmeton Indeksonline.
E gjithë këtë deklaratë Koci e ka bërë pas debatit i cili po zhvillohet për mundësinë e vendosjes së Stadiumit Olimpik të Kosovës në Drenas apo në Prishtinës.
Koci ka shtuar se ka një porosi për drenicakët” Drenicën nuk mund ta diskriminojë apo poshtërojë askush. Nëse duhet, e mbrojmë ne që nuk jemi të atij regjioni. Do të jetë mbrojte shumë më e fuqishme.
Ky është postimi i plotë:
Si dukagjinas i lindur në Prishtinë, asnjëherë nuk më ka shkuar në mend që bashkëvendësit e mi t’i ndaj apo diskriminoj, sipas përkatësisë regjionale.
Aq më pak që të mendoj se një regjion të jetë më i ngritur se tjetri.
Me prejardhje prej Prizrenit, Pejës, Gllogjanit dhe Rugovës, jam rritur dhe edukuar që Kosova është një.
Madje, babai i im, si studiues i folklorit prej fëmijërisë ma ka ushqyer dashurinë për çdo regjion të Kosovës, e posaçërisht për Drenicën.
Për më tepër, disa prej miqëve më të mirë dhe besnik, i kam prej Drenicës.
E ndiej vetën dukagjinas po aq sa drenicak apo llapjan. Në fakt, Kosova është aq e vogël, sa që të gjithë jemi të njejtë.
Qytetarët kanë prejardhje prej fshati, dhe banorët e regjioneve janë dyndur dhe martuar ndërmjet vete.
E sharmi i Prishtinës është i ndërtuar mu mbi faktin që shumica e banorëve të kryeqytetit, duke e pērfshirë edhe familjen time, janë ardhacak.
Sidoqoftë, si dukagjinas që e don me zemër Drenicën dhe jo vetëm, e kam një porosi për drenicakët: Drenicën nuk mund ta diskriminojë apo poshtërojë askush. Nëse duhet, e mbrojmë ne që nuk jemi të atij regjioni. Do të jetë mbrotje shumë më e fuqishme.
