Shefi i Grupit Parlamentar të Lidhjes Demokratike të Kosovës, Avdullah Hoti, ka shprehur keqardhje për të aksidentuarit dhe familjarët e tyre, në aksidentin fatal që ndodhi në Rahovec ku mbetën të vdekur tre persona dhe u lënduan tre të tjerë.
Sipas Hotit, Komuna e Rahovecit duhet të shpall ditë zie pas kësaj ngjarje tragjike.
“Besoj se Komuna e Rahovecit do të konsiderojë shpalljen e një dite zie, për të treguar se të gjithë bashkendjejme me familjet e të aksidentuarve. Kujdesi në trafik duhet të jetë maksimal. Raste si ky na tregojnë sa i rëndesishëm është ky kujdes.”
Ai i ka bërë thirrje Policisë së Kosovës të jenë më të rreptë me pjesëmarrësit në komunikacion, pasi kështu kursehet jeta e njeriut.
“Policia duhet të jetë shumë strikte në këtë aspekt, sepse kursen jetë njerëzish.”
