Arsenali po dëshiron të nënshkruajë me një lojtar të Spurs, për herë të parë në 49 vite

Arsenali raportohet se ka bërë një kërkesë për informacion për transferimin e një lojtari me përvojë direkt nga Tottenhami, në një lëvizje që do të ishte e para e këtij lloji pas 49 vitesh.

“Topçinjtë” morën një goditje të madhe të enjten, pasi u bë e ditur se Vinicius Junior kishte rënë dakord për një kontratë të re gjashtëvjeçare me Real Madridin.

Sulmuesi 26-vjeçar kishte hyrë në 12 muajt e fundit të marrëveshjes së tij aktuale në “Bernabeu” dhe negociatat për rinovim kishin ngecur, por dy palët arritën marrëveshje pas një takimi emergjent në qendrën stërvitore të klubit.

Arsenali ishte gati të ndërhynte dhe besohej se kishte fuqinë financiare për ta transferuar brazilianin në “Emirates”, në atë që do të kishte qenë një nga transferimet më të mëdha në historinë e Premierligës.

Megjithatë, tani klubi londinez duhet të shikojë alternativa të tjera për përforcime gjatë këtij afati kalimtar, i cili tashmë ka parë transferimin e anësorit të Club Brugge, Christos Tzolis, si dhe, me shumë gjasa së shpejti, kapitenit të Newcastle, Bruno Guimaraes.

Një tjetër repart ku Arsenal ka mungesë numrash aktualisht është qendra e mbrojtjes, pasi William Saliba pritet të mungojë në muajt e parë të sezonit pas një operacioni në shpinë.

Gabriel Magalhaes dhe Cristhian Mosquera pritet të formojnë dyshen e mbrojtjes në mungesë të Salibas, ndërsa edhe Piero Hincapie, i cili sezonin e kaluar ishte i huazuar dhe tashmë është transferuar përfundimisht, si dhe Jurrien Timber mund të luajnë në atë pozitë nëse është e nevojshme.

Megjithatë, Hincapie dhe Timber shpesh preferoheshin si mbrojtës krahu sezonin e kaluar dhe duket se trajneri Mikel Arteta dëshiron një zgjidhje më afatgjatë në qendër të mbrojtjes, një lëvizje që do të shkaktonte tronditje në Premierligë.

Sipas Fabrizio Romanos, Arsenali dëshiron të realizojë një transferim sensacional duke nënshkruar me kapitenin e Tottenhamit, Cristian Romero, këtë verë.

Ai ka bërë të ditur se “Topçinjtë” kanë pyetur për mundësinë e transferimit të Romeros, por janë informuar se Tottenham preferon ta shesë argjentinasin jashtë Anglisë. Atletico Madridi dhe Interi janë dy klubet që kanë shfaqur interesim për 28-vjeçarin.

“Pres që Arsenali të transferojë një qendërmbrojtës. Sigurisht, Arsenal po shikon tregun për mbrojtës qendrorë. Kjo mund të jetë një nga prioritetet e radhës – do të shohim edhe për anësorin, natyrisht”, tha Romano në kanalin e tij në YouTube.