Arsenali e ka nisur me këmbë të mbarë edicionin e ri në Premier League, duke triumfuar 3-0 ndaj Coventryt në ndeshjen hapëse.
“Topçinjtë” kaluan në epërsi në minutën e 15-të, kur Kai Havertz realizoi për 1-0, transmeton lajmi.net.
Vetëm tetë minuta më vonë, Bukayo Saka dyfishoi epërsinë e vendasve, duke e çuar rezultatin në 2-0.
Arsenali vazhdoi dominimin edhe pas pushimit, ndërsa Martin Ødegaard shënoi në minutën e 49-të për 3-0, duke vulosur fitoren e skuadrës londineze.
Me këtë triumf, Arsenali e nis edicionin e ri në mënyrën më të mirë të mundshme, me një paraqitje bindëse dhe tri pikë në xhiron e parë./lajmi.net/
