Policia e Kosovës ka njoftuar se ka arrestuar një person në Skenderaj, raporton Drenica Press.
Sipas policisë personi i arrestuar dyshohet se u ka mundësuar certifikata të falsifikuara veteranëve të luftës dhe të cilët kanë përfituar pension si veteran luftëtar.
“Është arrestuar një mashkull K/Shqiptar, pasi që dyshohet se i njëjti ka kryer veprën penale të lartcekur, duke u mundësuar katër personave Certifikata të Veteranëve Luftëtar, me të cilat të njëjtin kanë përfituar pensionin si Veteran Luftëtar në mënyrë të paligjshme. Me urdhër të prokurorit, i dyshuari pas intervistimit është dërguar në mbajtje”, thuhet në njoftimin e Policisë së Kosovës./Drenicapress.info
