Tre inspektorë të Komunës së Kamenicës janë arrestuar mbrëmë nga Policia e Kosovës, shkruan Reporteri.net.
Burime të Gazetës Online “Reporteri.net” kanë treguar se ata janë arrestuar për mosrespektim të detyrës zyrtare , moszbatim i rregullave të pandemisë.
Reporteri.net merr vesh se inspektorët e arrestuar janë Enver Ismajli, Naser Vllasi- ish komandant i UÇK-së i cili punon ne Drejtorinë e Emergjencave edhe Dobrivolje Milkoviq.
Ky burim thotë se Inspektorët nuk kanë ndërhyrë një një lokal ku ka pasur shumë njerëz, gjë që është në kundërshtim me vendimet e Qeverisë së Kosovës në luftën për parandalimin e COVID-19.
Lajmin e kanë konfirmuar edhe nga Prokuroria Themelore në Gjilan. Zëdhënësja e kësaj prokurorie, Liridona Xheladini.
“Tre inspektor komunal në Kamenicë janë ndaluar për shkak të dyshimit se kanë kryer veprën penale ‘Keqpërdorim i pozitës apo autoritetit zyrtar’”, ka thënë Xheladini.
