Pjesëtarët e ARM të angazhuar në rajonet e prekura në vazhdimësi vazhdojnë të realizojnë të gjithë llojet e detyrave për normalizim sa më të shpejtë të gjendjes në kuadër të së cilave detyra edhe dezinfektimin e shtëpive të vërshuara, transmeton Telegrafi Maqedoni.
Me plan të caktuar, sipas sektorëve të ndarë në Qendrën taktike operative të ARM në Stajkovcë pranohen dhe udhëzohen të gjithë vullnetarët në vende ku nevojitet ndihma e tyre.
Koordinimi reciprok me të gjithë subjektet dhe organizatat e përfshira ndihmon në shpërndarje të planifikuar të ndihmës së nevojshme. Edhe pjesëtarët e KFOR me mekanizimin e tyre dhe në koordinim me ARM të batalionit inxhinierik realizojnë pastrimin e rrugëve kryesore dhe dytësore me qëllim të mundësimit të qasjes deri në shtëpitë e banorëve. Për angazhimin e pa rezervë dje ishte bindur edhe shefi i shtabit të forcave të KFOR gjeneral brigadieri, Patricia Enslou.
