Arbenita tjetër thumb Feros? Kësaj radhe përmend edhe veten
dp·
Shpërndaje:
Arbenita Ismajli ka zgjedhur humorin për të rikthyer vëmendjen e ndjekësve, por duket se mes rreshtave ka lënë më shumë sesa një shaka.
Një ripostim i fundit në rrjetet sociale ka mjaftuar për të hapur një valë interpretimesh dhe diskutimesh online, shkruan IndeksOnline.
Modelja ka ndarë një video ku shfaqet personazhi i njohur “The Grinch” në fëmijëri, të shoqëruar me përshkrimin: “Unë dhe shija ime e çuditshme për meshkujt”. E kombinuar me këngën “My Type”, videoja është shpërndarë me shpejtësi dhe ka ngjallur reagime të shumta.
Zgjedhja e këtij personazhi, i njohur për natyrën e tij kontraverse, ka bërë që shumë ndjekës të pyesin veten nëse mesazhi ishte thjesht një batutë vetëironike apo një referencë e fshehur ndaj përvojave personale të modeles.
Aludimet nuk kanë vonuar. Një pjesë e komentuesve e kanë lidhur menjëherë postimin me ish-partnerin e saj, reperin Fero, duke kujtuar marrëdhënien e bujshme dhe të ndërlikuar që ata patën në të kaluarën, si dhe faktin se janë prindër të vajzës së tyre, Ninës.
Megjithatë, Arbenita nuk ka dhënë asnjë sqarim, duke lënë hapësirë për interpretime të shumta. Nëse bëhet fjalë për një mesazh të koduar apo thjesht për humor spontan, mbetet për t’u kuptuar — por një gjë është e sigurt: një video e thjeshtë mjaftoi për të ndezur rrjetet sociale.
