Bota e boksit është tronditur nga lajmi për një aksident të rëndë me makinë që përfshiu boksierin britaniko-nigerian Anthony Joshua në Nigeri të hënën.
Përplasja e tmerrshme midis makinës së tij dhe një kamioni në autostradën Lagos-Ibadan la dy të vdekur, ndërsa ish-kampioni dy herë i botës në peshat e rënda për fat të mirë pësoi vetëm lëndime të lehta.
Anthony Joshua i allvarlig bilolycka
Tungviktsboxaren har precis varit med i en trafikolycka under semester i Nigeria. Joshua tycks vid första anblick ha klarat sig skapligt. Två andra personer har dock bekräftats avlidna på plats.
Detta sker bara en knapp vecka efter hans… pic.twitter.com/cblMq95MpI
— Existenz.se (@Existenzse) December 29, 2025
Joshua ishte me pushime në atdheun e prindërve të tij, raportuan mediat britanike.
Aksidenti ndodhi të hënën në mëngjes, rreth orës 11:00, në një segment të ngarkuar të autostradës Lagos-Ibadan në Makun, shteti Ogun, Nigeri.
Sipas informacioneve të disponueshme deri tani dhe raportimeve të mediave lokale, makina Lexus SUV me të cilën udhëtonte Joshua u përplas ballë për ballë me një kamion të ndaluar.
Viewers Discretion is advised;
Boxer Anthony Joshua was just involved in a road acc!dent along the Lagos–Ibadan Expressway in Makun, Ogun State💔😢 pic.twitter.com/mmVjIvoAxU
— CHUKS 🍥 (@ChuksEricE) December 29, 2025
Boksieri po udhëtonte në një konvoj me dy automjete, ndërsa anëtarët e ekipit të tij të sigurisë ishin në makinën e dytë, një Pajero. Atleti 36-vjeçar ishte ulur në sediljen e pasme në kohën e përplasjes.
“Ishte një konvoj prej dy automjetesh. Joshua ishte ulur pas shoferit dhe pranë tij ishte një person tjetër. Në makinën Lexus ishte edhe një pasagjer, që do të thotë se në Lexusin që u përplas ishin katër persona”, tha një nga dëshmitarët okularë./Indeksonline/
