Anëtarët e Partisë Demokratike të Kosovës në KQZ, Ilir Gashi dhe Arianit Elshani kanë njoftuar se tanimë do dorëzojnë në PZAP ankesën e tyre në lidhej me parregullsitë në procesin zgjedhor të balotazhit në Mitrovicë të jugut.
Në një deklarim për media, Arianit Elshani deklaroi se me të marrë informacionet dje për fletëvotimet e klasave të tjera që janë gjetur e nga një shkollë në tjetër kanë shkuar aty për të vëzhguar dhe monitoruar procesin e numërimit të kutive të votimit.
“Ajo çka kemi parë është shqetësuese për neve si PDK e anëtarë të KQZ-së. Sot keni parë një konferencë për media ku ankesa do të dorëzohet në PZAP e do të vazhdohet më pas në organet e tjera varësisht nga vendimi i PZAP-së. Në sytë e qytetarëve ky proces tanimë është i dëmtuar dhe është cenuar integriteti i zgjedhjeve dhe presim një vendim nga PZAP.Kjo çka ka ngjarë këtu e lëndon komplet procesin e votimit këtu në Mitrovicë të jugut”,deklaroi Elshani.
Ai është pyetur për vendimin që tanimë mori Prokuroria që të nis sërish numërimi i votave në Mitrovicë, meqë rast tha se s’kanë pranuar ende asnjë komunikim.
“Ne zyrtarisht ende s’e kemi pranuar atë komunikim, konsideroj se të gjitha organet e PDK-së do ta shqyrtojnë e do të dihet nëse do të marrin pjesë ekipet e numërimit.Ekipet e numërimit gjatë ditës së djeshme janë larguar se nuk kanë dashur të legjitimojnë një proces për të cilin kanë dyshuar dhe secili dyshon nga ajo çfarë kemi parë përmes video-incimeve”,shtoi ai, shkruan lajmi.net.
Ai dhe Gashi u pyetën edhe për deklarimin e kryetarit të Skenderajt, Fadil Nura i cili tha se qëndrimi i dyshes në kuadër të zhvillimeve në Mitrovicë është për keqardhje dhe se Memli Krasniqi duhet t’i shkarkojë nga detyra.
“Unë konsideroj se ky është një vendim i organeve të partisë, ne delegohemi nga kryesia dhe Kryetari i partisë dhe konsideroj e mendoj se është çështje që të diskutohet brenda organeve. Unë edhe ashtu e kam mandatin e fundit”./Lajmi.net/
