Ancelotti i përgjigjet Thiago Silvas: Mosha 34-35 vjeç nuk ka të ardhme te Kombëtarja e Brazilit
Trajneri i Brazilit, Carlo Ancelotti, i është përgjigjur kritikave të Thiago Silvas për mënyrën se si po zhvillohet rinovimi i Kombëtares braziliane pas Botërorit 2026.
Silva kishte shprehur rezerva për largimin e menjëhershëm të disa futbollistëve me përvojë, duke argumentuar se lojtarët veteranë nuk duhet të përjashtohen vetëm për shkak të moshës, shkruan Indeksonline
Ancelotti, ndërkohë, ka sqaruar se mosha nuk është kriteri i vetëm që përcakton zgjedhjet e tij, por se në këtë fazë prioritet është identifikimi i talenteve të rinj që mund të jenë pjesë e Brazilit në të ardhmen.
Në deklaratën e tij, italiani tha:
“Në përgjithësi, nuk i shikoj moshat e lojtarëve. Tani është momenti për t’u dhënë përparësi të rinjve me potencial, të cilët mund të jenë këtu në të ardhmen.”
Më pas, Ancelotti shtoi:
Lexo edheLiverpooli e nis mirë sezonin e ri, e mposht Atleticon e Simeones
“Lojtari 34-35-vjeçar nuk ka të ardhme, ky është momenti i tashëm. Nëse një lojtar në atë moshë është i përgatitur për të luajtur një kompeticion të rëndësishëm, ai do të jetë në Selecao.”
Ancelotti ka nisur një rinovim të ndjeshëm të Brazilit, me disa emra të rinj në grumbullimin e parë pas Botërorit dhe me synimin për të ndërtuar ekipin për ciklin e ardhshëm./Indeksonline/
🚨 CARLO ANCELOTTI 🇮🇹 RÉPOND AUX CRITIQUES DE THIAGO SILVA 🇧🇷 SUR LA RESTRUCTURATION DE LA SÉLECTION BRÉSILIENNE :
« En général, je ne regarde pas l’âge des joueurs. Maintenant, c’est un moment pour prioriser cela, les jeunes qui ont du potentiel et qui pourront être là dans le… pic.twitter.com/eNU0CTo4Rm
— Actu Foot (@ActuFoot_) September 10, 2026
