Ambasadori i Bashkimit Evropian në Kosovë, Aivo Orav, ka reaguar pas vendimit të fundit të Gjykatës Supreme, e cila e ka cilësuar të kundërligjshme nxjerrjen e akteve nënligjore apo udhëzimeve administrative nga ministrat e qeverisë në detyrë që njëkohësisht janë edhe deputetë.
Përmes një postimi në platformën “X”, Orav bëri të ditur se krerët e misioneve të BE-së kanë diskutuar për situatën e krijuar pas këtij vendimi, transmeton lajmi.net
Në reagimin e tij, Orav ka kritikuar ashpër qasjen e qeverisë dhe të ministrit në detyrë të Financave, Hekuran Murati, ndaj Gjykatës Supreme dhe gjyqtarëve të saj.
“Sulmet kundër gjyqtarëve individualë dhe ndërhyrja politike në gjyqësor janë të papranueshme”, ka shkruar ambasadori Orav.
Qeveria në detyrë e Republikës së Kosovës, në një reagim të bërë dje, kundërshtoi fuqishëm vendimin e Gjykatës Supreme, duke e cilësuar atë si “arbitrar” dhe “të njëanshëm”./lajmi.net/
The EU Heads of Missions discussed the situation after the Supreme Court decision. Attacks against individual judges and political interference into judiciary are inacceptable. https://t.co/BXj2XAig3i
— Aivo Orav (@AivoOrav) July 16, 2025
