Kryetarja e partisë Alternativa, Mimoza Kusari-Lila ka njoftuar se partia që ajo drejton do të marrë pjesë në zgjedhjet lokale të 12 tetorit 2025 në gjashtë komuna të Kosovës.
Kusari-Lila në një konferencë për media ka thënë se Alternativa do të paraqesë lista për asamble komunale në Prishtinë, Gjakovë, Pejë, Prizren, Mitrovicë të Jugut dhe Mitrovicë të Veriut.
Ndërkaq, siç tha ajo në tri prej këtyre komunave, partia do të garojë edhe me kandidatë për kryetar komune.
Ajo shtoi se po punohet për shtrirjen edhe në Gjilan dhe Ferizaj, me qëllim që Alternativa të zgjerojë praninë e saj politike në nivel lokal.
“Të enjten do të hapim zyrën tonë në Mitrovicë”, njoftoi ajo.
Në lidhje me zgjedhjet në Mitrovicë të Jugut, Kusari-Lila konfirmoi mbështetjen për kandidatin e Lëvizjes Vetëvendosje për kryetar të komunës, Faton Peci, nga Lista Guxo, njëkohësisht duke theksuar mbështetjen e Alternativës për veprimet e Qeverisë në veri të vendit.
- Advertisement -
