Drejtori i Qendrës për Menaxhim me Kriza, Muhamed Ali, njoftoi se është arritur të vihet nën kontroll zjarri që shpërtheu mbi fshatin Batinc të Shkupit.
Sipas tij, falë reagimit të shpejtë dhe koordinimit të ekipeve kompetente, flakët nuk paraqesin më rrezik për banorët apo objektet përreth.
“U aktivizuan të gjitha resurset shtetërore: dy avionë er-traktor, një helikopter i Ministrisë së Punëve të Brendshme, si dhe njësitë e zjarrfikësve të qytetit të Shkupit, të cilët me përkushtim dhe profesionalizëm arritën të lokalizojnë vatrën e zjarrit”, theksoi Ali.
Ekipet e shpëtimit dhe zjarrfikësit vazhdojnë të qëndrojnë në terren për të monitoruar situatën dhe për të parandaluar çdo riaktivizim të mundshëm të flakëve.
- Advertisement -
