Kryeministri në detyrë, Albin Kurti i është përgjigjur deklaratave të ambasadorit Grenell, i cili kishte theksuar se shefi i qeverisë kosovare në “katër dy” i kishte premtuar heqjen e tarifës 100%.
Kurti tha se ai i ka pasur dy takime me Grenellin dhe asnjëherë nuk i ka premtuar se do ta heq tarifën, raporton Gazeta Blic.
“As në katër sy e as në mesazhe telefonike nuk i kam premtuar heqjen e taksës. Ata më njohin mirë mua”, tha Kurti në emisionin “Desku”, raporton Gazeta Blic.
Kurti ndër të tjera ka theksuar se Serbisë nuk po i bëhet presion që të ndalet fushata agresive kundër pavarësisë.
Shefi në detyrë i qeverisë, tha se tash pasi që po e heqim taksën, “po shpresoj që ndërkombëtarët do t’i kërkojnë ndaljen e fushatës kundër pavarësisē”.
- Advertisement -
