- Advertisement -
Sulmuesi shqiptar Albian Ajeti ka shënuar një gol të pamjaftueshëm por të rëndësishëm në humbjen e skuadrës së tij, Basel, ndaj PAOK-ut në ndeshjen e parë të rundit të dytë kualifikues për Ligën e Kampionëve.
Baseli i shkoi PAOK-ut në “Stadio Toumba” në Selanik dhe u mposht 2-1 të martën mbrëma, raporton Gazeta Express.
Grekët e mbyllen pjesën e parë me një gol avantazh, të realizuar nga Jose Canas në minutën e 32-të.
Për ta dyfishuar epërsinë e PAOK-ut u përkujdes Aleksandar Prijovic dhjetë minuta para fundit, por zviceranëve u dha jetë për ndeshjen e kthimit shqiptari Albian Ajeti, i cili shënoi në minutën e 82-të.
Goli i Ajetit do të thotë shumë, pasi është shënuar si mysafir dhe Baselit i mjafton fitorja minimale 1-0 në ndeshjen e kthimit për të kaluar në rundin e tretë.
Baseli do ta kërkojë kualifikimin në ndeshjen e kthimit në shtëpi. /Gazeta Express/
- Advertisement -
