Lajmi se pronat e paluajtshme që dikur ishin të regjistruara në emër të Jugosllavisë dhe Serbisë tashmë do të jenë të regjistruara në emër të Kosovës, ka alarmuar serbët.
Drejtori i të ashtuquajturës Zyra për Kosovën, Marko Gjuriq do të jetë sot në Beograd për të biseduar me përfaqësuesit politik të serbëve në Kosovë.
Vendimi në fjalë është nënshkruar nga kryeministri i Kosovës Isa Mustafa që gjithë pasurinë e paluajtshme që ishte dikur e regjistruar në emër të Jugosllavisë, përkatësisht Serbisë, tani do të jenë të regjistruara në emër të Kosovës, raporton Kurir, transmeton Indeksonline.
Menjëherë pas këtij lajmi, Gjuriq do të jetë sot në orën 12:00 në ndërtesën e Qeverisë së Serbisë për t’u takuar me anëtarët serbë të qeverisë, kryetarët e dhjetë komunave me shumicë serbë në Kosovë dhe përfaqësuesit e Listës Serbe.
