Sikurse shumë komuna kosovare, migrimi legal ka prekur kohëve të fundit edhe komunën e Vushtrrisë. Në këtë komunë janë 227 fëmijë, që e kanë lënë shkollimin për shkak të migrimit të familjeve të tyre jashtë Kosovës.
Këto të dhëna u prezantuan sot nga Drejtori i Arsimit, Musaj Tërbunja, në mbledhjen e rradhës së Bordit të Drejtorëve të Komunës, që e kryesoi kryetari Bajram Mulaku.
“Përkundër përpjekjeve maksimale të organeve komunale, deri më tash nuk kemi arritur saktësisht të mësojmë numrin e personave dhe familjeve që kanë migruar së fundi nga komuna jone në shtete të ndryshme evropiane,por në bazë të statistikave të numrit të nxënësve që mungojnë në bankat shkollore,supozojme se ky numër është në rritje e sipër”, ka thënë Mulaku.
- Advertisement -
