Policia e Kosovës ka arrestuar një person të kërkuar me gjashtë urdhërarreste gjykate dhe tri kërkime të hapura nga policia, i dyshuar për një sërë veprash penale, përfshirë tentim vrasje të rëndë, grabitje, kanosje, shkaktim të rrezikut të përgjithshëm dhe lëndim të rëndë trupor.
Sipas njoftimit zyrtar të Drejtorisë së Policisë së Kryeqytetit, arrestimi është bërë në një operacion të befasishëm nga njësitë e stacionit policor “Qendra” dhe Njësia e Reagimit të Shpejtë, ku është ndaluar personi R.G., mashkull, 30-vjeçar, shtetas i Kosovës. Pas arrestimit, ai është dërguar për të vuajtur dënimin.
Burime të Lajmi.net bëjnë të ditur se personi i arrestuar dyshohet të jetë Rinor Grajqevci, kryetar i tifo-grupit të njohur “Plisat”.
Policia nuk ka konfirmuar zyrtarisht identitetin e të ndaluarit./lajmi.net/
- Advertisement -
