Një aksident zinxhiror ka ndodhur këtë të shtunë në fshatin Gllarevë të komunës së Klinës.
Lajmin e ka konfirmuar zëdhënësi i Policisë për rajonin e Pejës, Fadil Gashi.
Ai cili bëri të ditur se aksidenti është raportuar rreth orës 18:37.
“Rreth orës 18:37 kemi pranuar informacionin se ka ndodhur një aksident zinxhiror në fshatin Gllarevë. Ende nuk dihet saktësisht sa persona janë lënduar. Në vendin e ngjarjes janë dërguar dy autoambulanca”, ka deklaruar Gashi.
Policia ndodhet në vendin e ngjarjes dhe po heton shkaqet e aksidentit.
- Advertisement -
