Një aksident trafiku është raportuar sot në orët e pasdites në autostradën “Ibrahim Rugova”, në afërsi të lagjes Priam. Sipas burimeve të Drenica Press, dyshohet se ka persona të lënduar.
Në vendin e ngjarjes kanë arritur me urgjencë një autoambulancë dhe të paktën tre patrulla të Policisë së Kosovës, të cilat po merren me menaxhimin e situatës dhe hetimin e shkaqeve që kanë çuar deri te aksidenti.
Lexo edhe: Skenderaj, suspendohen tre zyrtarë policorë
Pamjet dhe informacionet fillestare flasin për një përplasje që ka shkaktuar bllokim të përkohshëm të një pjese të autostradës, ndërsa ekipet emergjente janë në terren për t’u kujdesur për të lënduarit dhe për të rikthyer qarkullimin normal të trafikut.
Ende nuk ka informacione zyrtare mbi gjendjen e të lënduarve apo numrin e saktë të të përfshirëve në aksident. Drenica Press do të përcjellë zhvillimet dhe do të publikojë detaje të reja sapo të konfirmohen nga autoritetet përkatëse./Drenica Press
