Një aksident trafiku është regjistruar pasditen e sotme në rrugën nacionale Prishtinë-Pejë, në zonën e Sllatinës.
Në përplasjen e ndodhur janë përfshirë tri automjete, ndërsa gjashtë persona kanë pësuar lëndime dhe kanë kërkuar trajtim mjekësor.
Rastin e ka konfirmuar për lajmi.net zëdhënësja e Policisë së Kosovës, Blerina Ejupi.
“Më datë 20.08.2026 rreth orës 16:30 është raportuar për një aksident trafiku në rrugën nacionale Prishtinë-Pejë, saktësisht në Sllatinë. Në aksident janë përfshirë tri vetura, ndërsa gjashtë persona kanë kërkuar ndihmë mjekësore”, tha Ejupi.
