Sekretari i Përgjithshëm i Aleancës Kosova e Re (AKR), Vesel Makolli ka mohuar lajmet se ministri Ekrem Mustafa është përplasur fizikisht me këshilltarin e tij politik. Ai për “Gazeta Blic”, sqaroi se çfarë ka ndodhur.
“Ne jemi më temperament si popull, dhe ndodhë që të nxehet gjaku kur është puna të ndonjë problem që kërkon më tepër angazhim. E gjithë kjo ka qenë në suaza të normales dhe nuk ka qenë asgjë jashtë sjelljeve që duhet t’i ketë një ministër, por këtu po rriten gjërat. As Labinot Tahiri nuk ka kërkuar dorëheqjen e tij. Krahasuar me sjelljet e minsitrave tjerë nëper oda kjo nuk është asgjë”, tha Makolli për “Gazeta Blic”.
Në fund, sekretari deklaroi se edhe në familje ndonjëherë ndodhë që të ketë mosmarrëveshje, dhe që ministri Mustafa nuk është përplasur fizikisht.
Theksojmë që, Ekrem Mustafa u emërua ministër i Brendshëm, pas shkarkimit të Bejtush Gashit nga kjo pozitë, me kërkesë të partisë që i përket, AKR-së./Gazeta Blic./
