Një 72-vjeçare nga Kosova ka rrezikuar seriozisht jetën në plazhin e Velipojës. Ajo është futur në ujë por personat e tjerë që ndodheshin në plazh kanë menduar se 72-vjeçarja është mbytur.
Disa shtetas të tjerë nga Kosova kanë arritur që ta nxjerrin në breg por ata kanë menduar se shtetasja Atifet Beqa ka humbur jetën. Në vendngjarje ka mbërritur me shumë shpejtësi ambulanca e Velipojës. Infermierët kanë arritur që t’i japin ndihmën e parë dhe ta rikthejnë në jetë edhe pse ajo mendohej e vdekur.
Tashmë 72 vjeçarja po dërgohet në spitalin rajonal të Shkodrës për të qenë nën kujdesin e mjekëve pas atij momenti të vështirë ku rrezikoi ndjeshëm. Pa frikë mund të thuhet se është një rikthim në jetë per herë të dytë i Atifet Beqes falë ndërhyrjes së ambulancës në Velipojë. Pavarësisht kushteve në të cilat punojnë vijojnë të bëjnë maksimumin duke shpëtuar jetë njerëzish. /ShkodraNews
